• Басты
  • Әзірбайжан елшісі: Баламалы энергия көзіне көшу - уақыт талабы
4 Қазан, 2016 14:36

Әзірбайжан елшісі: Баламалы энергия көзіне көшу - уақыт талабы

Әзірбайжан мұнай өндіруші ел ретінде танымал болса да, біз баламалы энергия көздеріне көшу қажеттігін түсініп отырмыз, деді Strategy2050.kz АА берген сұхбатында Қазақстандағы Әзірбайжанның Төтенше және Өкілетті елшісі Рашад Маммадов.
Әзірбайжан елшісі: Баламалы энергия көзіне көшу - уақыт талабы

«ЭКСПО-2017 көрмесі  болашақтың энергиясымен байланысты болғандықтан, біздің экспозиция да осы салаға байланысты өтеді. Әзірбайжан мұнай өндіруші ел ретінде танымал болса да, біз баламалы энергия көздеріне көшу қажеттігін түсініп отырмыз. Осы орайда павильонда «жасыл» энергия мен өндіріске көп көңіл бөлінеді», - деді ол.

Дипломаттың айтуынша, «ЭКСПО-2017» ұлттық компаниясы  ҚР Президенті Н.Назарбаевтың Әзірбайжан Республикасына ресми сапары аясында  көрменің жарнамалық кампаниясын өткізеді.

«Жақында Қазақстандағы Әзірбайжан елшілігі 10 туристік операторды Әзірбайжанға  бағыттады, олар өз әріптестерімен байланыс орнатты. Сондай-ақ, бұл шара әлем қызығушылығын тудырып отыр, көрме өңірді насихаттау мақсатында өткізілмек», - деді Р.Маммадов.

Ботагөз Айтжанова

Барлық жаңалықтар