• Басты
  • ЭКСПО-2017 көрмесінің «Болашақтың энергиясы» атты тақырыбы уақытылы таңдалды – Индонезия елшісі
4 Қазан, 2016 09:51

ЭКСПО-2017 көрмесінің «Болашақтың энергиясы» атты тақырыбы уақытылы таңдалды – Индонезия елшісі

ЭКСПО-2017 халықаралық көрмесінің «Болашақтың энергиясы» атты тақырыбы сәтті және уақытылы таңдалған, деп санайды Индонезия Республикасының Қазақстан Республикасындағы төтенше және өкілетті елшісі Фостер Гултом Strategy2050.kz АА берген сұхбатында.
ЭКСПО-2017 көрмесінің  «Болашақтың энергиясы» атты тақырыбы уақытылы  таңдалды – Индонезия елшісі

«Индонезия Қазақстан 2017 жылы көрме өткізу құқығы үшін күрескен кезде оған қолдау көрсетті. Сондай-ақ, Индонезия көрме үшін таңдалған «Болашақтың энергиясы» тақырыбын ерекше атап өтті. Қазіргі уақытта мұнай бағасының күрделі өзгерістері орын алуда, бұл әр түрлі елдердегі экономикалық жағдайға едәуір әсер етеді. Сондай-ақ, елдердің БҰҰ көмірқышқыл газының шығарылымдарын қамтитын  климаттың өзгеруі жөніндегі конвенциясы шеңберінде өзіне алған міндеттемелері мен қоршаған ортамен байланысты басқа да бірқатар міндеттемелерін айтпай кетуге болмайды. «Болашақтың энергиясы» тақырыбы өте заманауи. Көрмеге келетін елдер тәжірибемен, үздік практикамен алмаса алады. Тақырып сәтті таңдалды деп ойлаймын», - деп санайды Ф.Гултом.

Дипломат атап өткендей, Индонезия топаралдағы ең ірі ел болып табылады.

«Индонезия ЭКСПО-2017 тақырыбына қызығушылық білдіреді. Индонезияда биомасса өндіретін ормандардың көп көлемі өседі, сондай-ақ бізде геотермиялық көздер де бар. Одан басқа, жел энергиясы мен күшею және азаю энергиясын көрсету мүмкіндігі бар. Біздің елімізде «жасыл» энергияны дамыту әлеуеті жоғары және осының барлығын біз өз павильонымызда көрсетеміз. Біз дамудағы тәжірибемізбен бөліскіміз келеді. Сонымен бірге, экологиялық және азық-түлік қауіпсіздігін біріктіруді де қалаймыз», - деп қосты елші.

Ботагөз Айтжанова

Барлық жаңалықтар