Р.Василенко: Грек компаниялары ЭКСПО-2017 көрмесінде таныстырылады

3 Қазан, 2016 11:52

Грек компаниялары Астанадағы ЭКСПО-2017 мамандандырылған көрмесіне қатысады. Бұл туралы Сыртқы істер министрінің орынбасары Роман Василенко Strategy2050.kz АА берген сұхбатында мәлімдеді.

«Қазақстан мен Грекияның энергетика саласындағы әлеуеті жоғары. Грекия ЭКСПО-2017 көрмесіне қатысуды экономикалық мәселелерге байланысты нақты шешпеген еді, алайда грек компаниялары ЭКСПО-2017 көрмесінде таныстырылады. Себебі, олар жел және күн энергетикасы саласында бірқатар жаңашылдықтарын ұсына алады», - деді ол.

Р. Василенко айтып өткендей, астық өнеркәсібі саласында елдердің әлеуеті жоғары.

«Қазақстанда грек өнімдері танымал емес, алайда олар халықаралық нарықта сұранысқа ие. Біздің елдер арасында астық экспорты бойынша ахуал өте жоғары, атап айтсақ, қазақстандық астық Грекияға жеткізіледі», - деді ол.

Сондай-ақ, Р.Василенко атап өткендей, ҚР мен Грекия арасында туризм саласында ынтымақтастық етудің әлеуеті бар.

Айта кетерлігі, елдер арасындағы тауар айналымы 1 млрд 200 млн долларды құрады, оның ішінде Грекиядан Қазақстанға жеткен экспорт 20 млн долларды құрады.

Индира Кауметова

Барлық жаңалықтар