Астананың Еуразиялық экономикалық одаққа мүше-мемлекеттерімен өзара саудасы 614,0 млн АҚШ долларын құрады
3 Қазан, 2016 10:04
Алдын ала деректер бойынша 2016 жылғы қаңтар-шілдеде Астана қаласының Еуразиялық экономикалық одақ елдерімен өзара саудасы 614,0 млн. АҚШ долларын құрады, бұл 2015 жылғы сәйкес кезеңнен 61,2%-ға аз.
Астана қалалық статистика департаменті хабарлағандай, экспорт - 46,9 млн. АҚШ доллары (92,6%-ға аз), импорт -567,1 млн. АҚШ доллары (40,1%-ға аз).
2016 жылғы қаңтар-шілдеде Ресей Федерациясында экспорт 42325,5 мың АҚШ долларын құрап, өткен жылғы сәйкес кезеңмен салыстырғанда 93,3%-ға кеміп, импорт 542099,0 мың АҚШ долларын құрады және өткен жылғы сәйкес кезеңмен салыстырғанда 39,9 %-ға азайды.2016 жылғы қаңтар-шілдеге Беларусь Республикасынан импорт 23281,1 мың АҚШ долларын құрап, өткен жылғы қаңтар-шілдемен салыстырғанда 42,2%-ға азайды, экспорт 120,4 мың АҚШ доллары сомасында қалыптасып, 92,9% -ға азайды.
