ҚР-да меморгандардың тексеріс қызметінің тиімділік деңгейін бағалауды енгізу керек – Қ.Өскенбаев
«Жалпы, кәсіпкерліктерге қарсы мемлекеттік бақылауды заң бұзушылық кезінде жазалаудың орнына ескерту мен алдын алу шараларына алмастыру керек. Яғни, мемлекеттік органдардың тексеріс қызметінің тиімділік деңгейін бағалауды енгізу керек. Қазіргі таңда, жасыратыны жоқ, кез келген бақылауға құзыретті мекеме кез келген уақытта тексеріс жасап, айыппұл салып кете береді. Бұл кәсіпкерлікті дамытудың орнына кесірін тигізеді. Мемлекеттік органдар кәсіпкерліктер тарапынан болуы мүмкін заң бұзушылықтардың алдын алумен айналысуы керек», - деді Қ.Өскенбаев.
Оның айтуынша, бірінші кезекте, жүйелі тексерістың бірінші сипаты ескерту болуы керек. Кәсіпкерліктерге де кейінен кемшіліктерін түзетуге мүмкіндік беру керек. Ал екінші рет аталмыш заң бұзушылық қайталанған жағдайда ғана жазалау шараларына жүгінген жөн.
