Қазақстанда ғарыш техникасының отандық үлгілерін әзірлеу бойынша ғылыми жобалар сәтті іске асуда

1 Қазан, 2016 11:36

Салалық ғылыми-зерттеулер мен конструкторлық тәжірибе бағдарламасы аясында бірқатар ғарыш техникасының отандық үлгілері мен аппараттық-бағдарламалық құралдар әзірленді. Бұл түпкі қолданушылардың ғарыш жүйенің қызметтері мен өнімдеріне қол жеткізу аясын кеңейту үшін қажет, деп хабарлады Қазғарыштың баспасөз қызметі.

Атап айтқанда: «ГЛОНАСС» және «GPS» жаһандық ғарыштық навигациялық жүйесі сигналдарын пайдалана отырып, тұтынушылардың навигациялық аппаратурасының эксперименттік үлгілері әзірленді;

Отандық спутниктік навигациялар үшін дифференциалдық станцияларды (ДС) жобалау бойынша тәжірибелік-конструкторлық жұмыстар орындалды;Қазақстан Республикасының дәлдігі жоғары спутниктік навигация жүйесінің құрамында жұмыс істейтін және Қазақстан аумағында орнатылған ДС тәжірибелік партиясы жасалды;

Кедендік одағы елдерінің Үкіметі басшыларының шешімі аясында автожолдарда болатын авариялар мен апаттар кезінде шұғыл шақырту (ААШШ) йесінің пилоттық үлгісі әзірленді;

Мемлекеттік-жекеменшік серіктестік (МЖС) аясында қадағаланушы тұлғаларды электрондық мониторингілеу жүйесін әзірлеу бойынша жұмыстар орындалуда.

Ғарыш техникасы өндірісінде өзіміздің әзірлемелерді қолдану аталмыш салада Қазақстанның техникалық тәуелсіздігін арттыруға мүмкіндік тудырады.