• Басты
  • Талдықорғанда МЖӘ аясында 320 орындық балабақша ашылды (ФОТО)
30 Қыркүйек, 2016 11:13

Талдықорғанда МЖӘ аясында 320 орындық балабақша ашылды (ФОТО)

Талдықорған қаласында 320 орынға арналған жаңа балабақша ашылды. Бұл «Алтын бесік» балабақшасын мемлекеттік – жекеменшік серіктестік негізінде жеке кәсіпкер ашып отыр, деп хабарлады облыс әкімдігінің баспасөз қызметі.
Талдықорғанда МЖӘ аясында  320 орындық балабақша ашылды (ФОТО)

Облыс әкімі А. Баталов балалар мен олардың ата-аналарын, жаңа мекеме ұжымын қуанышты жаңалықпен құттықтап, істеріне табыс тіледі.

«Мемлекет басшысының тапсырмасымен біз мемлекеттік-жекеменшік әріптестікті дамытып келеміз. Бүгін, міне, кезекті қуанышты күн. Кәсіпкерлердің көмегімен тағы бір жаңа балабақша ашып отырмыз. Қаланың кішкентай тұрғындарын, олардың ата-аналарын, балабақша ұжымына сәттілік тілеймін», - деді облыс басшысы.

Ашылу салтанатынан кейін облыс әкімі балабақша ғимаратын аралап, музыкалық залды, дене шынықтыру залын көрді. Мекеменің бір тобына кіріп, балаларға ойыншықтар мен теледидар тарту етті.

Талдықорған қаласының 6-шағын ауданындағы бұл балабақшаның құрылысы 2015 жылдың тамыз айында басталған болатын. Жалпы алаңы - 2500 шаршы метр. Балабақша мемлекеттік тапсырысқа енгізілген. Мұнда 16 топ ашылып, 100-ге жуық адам жұмыспен қамтамасыз етілмек.

Жалпы, бүгінгі күні Талдықорған қаласында 7998 бала мектепке дейінгі мекемелерге барады. 16 мемлекеттік, 29 жекеменшік балабақша және 9 мектеп жанындағы шағын орталықтар жұмыс істейді.

Облыста биылғы жылы 84 балабақша салынса, соның 78-і мемлекеттік-жекеменшік әріптестік тетігі бойынша жүзеге асырылуда.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды