• Басты
  • Тұңғыш рет АИТВ/ЖИТС-пен ауыратын адамдар үшін дәрілік заттарды сатып алу ЮНИСЕФ арқылы жүзеге асырылатын болады
29 Қыркүйек, 2016 19:06

Тұңғыш рет АИТВ/ЖИТС-пен ауыратын адамдар үшін дәрілік заттарды сатып алу ЮНИСЕФ арқылы жүзеге асырылатын болады

Астанада «СК Фармация» ЖШС Басқарма басшысының міндетін атқарушысы Серікбол Мусинов пен Қазақстандағы ЮНИСЕФ басшысы Юрий Оксамитный 2017 жылға арналған АИТВ/ЖИТС-пен ауыратын адамдар үшін дәрілік заттарды сатып алу бойынша Меморандумға қол қойды. Оның аясында бірыңғай дистрибьютор сомасы 1 млрд. теңгеден астам медициналық препараттарды сатып алатын болады.
Тұңғыш рет АИТВ/ЖИТС-пен ауыратын адамдар үшін дәрілік заттарды сатып алу ЮНИСЕФ арқылы жүзеге асырылатын болады

«Антиретровирусты препараттарды ЮНИСЕФ-тің жеткізу бөлімі арқылы бірыңғай сатып алу бірден бірқатар мәселелерді шешуге мүмкіндік береді. Біріншіден, дәрілік заттардың қолжетімділігі артады, екіншіден, бұл – препараттардың сапасы және олардың сатып алу бағасының арзан болуы», - деп атап айтты Серікбол Мусинов.

Осылайша, бюджет қаражаты айтарлықтай үнемделеді. Пациенттерге дәрілер тегін берілетін болады.

ҚР Денсаулық сақтау және әлеуметтік даму министрлігінің баспасөз қызметі хабарлағандай, ЮНИСЕФ-тің жеткізу бөлімі Дүниежүзілік денсаулық сақтау ұйымының сапаның, қауіпсіздік пен тиімділіктің жүйеленген стандарттарына сай медициналық препараттарды алуға мүмкіндік беру мақсатында жасалған алдын ала біліктіліктің іріктеу бағдарламасына қатысады.

Естеріңізге сала кетейік, денсаулық сақтау саласын дамытудың 2016-2019 жылдарға арналған «Денсаулық» мемлекеттік бағдарламасының нысаналы көрсеткіштерінің бірі – 15-49 жас аралығындағы жас тобында АИТВ инфекциясының таралуын 0,2-0,6% шегінде ұстап тұру. 

Бүгінгі таңда Қазақстанда АИТВ инфекциясын диагностикалау мен емдеу кез келген азаматқа қолжетімді және мемлекеттің қаражаты арқылы жүзеге асырылады.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды