2016 жылдың 8 айында индустрияландыру жобалары 1,3 трлн теңгенің өнімін шығарды – ҚР ИДМ

27 Қыркүйек, 2016 17:03

Индустрияландыру бағдарламасы жүзеге асқан кезден бастап енген жобалар жалпы сомасы 7 трлн. теңгенің өнімін өндірген, деп ОКҚ-да өткен баспасөз мәслихатында ҚР инвестициялар және даму министрі Жеңіс Қасымбек мәлім етті.

«Индустриалды саясатты жүзеге асырудың нәтижесінде өңдеу секторы тұрақтанды және даму деңгейінде қалады. 2015 жылдың қортындысы бойынша өңдеу секторының өсімі 100,2% құрады. Аталмыш тенденция биыл да сақталып, 8 айдағы көрсеткіш 100,7% құрап отыр. Индустрияландыру бағдарламасының негізгі басым салаларының арқасында өсім артты. (қара және түсті металлургия, химиялық өнеркәсіп)», - дді министр.

Индустрияландыру бағдарламасы жүзеге асқан кезден бастап енген жобалар жалпы сомасы 7 трлн. теңгенің өнімін өндірген. Ал, 2016 жылдың 8 айында 1,3 трлн. теңгенің өнімі шығарылған. Картаға енгізілген жобалар ай сайын 160 млрд. теңгеден асатам соманың өнімін өндіреді. Биылғы 8 айда іске қосылған жобалар есебінен жалпы өңдеу өнеркәсібі көлемінің 17,5% шығарылды. 2010-2015 жылдары іске қосылған жобалар бойынша экспорттық өнім көлемі 1,5 трлн. теңгені құрады.

Жобалардың 93% жеке бизнес есебінен жүзеге асырылса, жалпы сомасы 277 млрд. теңге болатын 26 жоба мемлекеттік бюджет есебінен қаржыландырылды.

Негізгі капиталдың инвестициялық оң динамикасы сақталуда. Биылғы жылдың 8 айында инвестицияның негізгі капиталы 4,8% өсті (4,3 трлн. теңге – 12,6 млрд. долл.).

Биылғы жылдың бірінші жартыжылдығында таза тікелей шетелдік инвестиция ағыны ұлғайып, 5,7 млрд. долларға жетті.

Ботагөз Айтжанова