ҚР Үкіметі ШОБ саласында заңдардың еркін түсіндірілуіне жол бермейді

«Біріншіден, біз жұмыспен қамтуды қолдау тұрғысынан кәсіпкерлік мәселесіне көңіл аударуымыз керек. Біреуін қолдасақ, ол 5 жұмыс орнын ашады, яғни кәсіпкерлікті тек қолдап қана қоймай, оларға тереңірек үнілу керек – ол салық, жұмыс орындары, өндірілетін өнімдер, ЖІӨ өсімі. Әсіресе, біздің барлық шикізат тауарларына бағалар төмендеді»,-деді ҚР ҰЭМ басшысы Қ.Бишімбаев.

Премьер-Министр отандық бизнесті дамыту саласында  жер мәселелеріне ерекше көңіл бөлді және бірқатар мәселелерді атап өтті.

«Біз өңірлермен бірге жұмыс жасауымыз керек, оларға жарлық беру керек. Өйткені жер мәселесі, мемлекеттік аграрлық-құрылысты бақылау мәселесі бойынша сұрақтар қозғалды. Ол жерде проблемалық мәселелер өте көп. Doing Business бойынша 4 заңнамалық пакеттерге өзгеріс енгізгенімізге қарамастан, және олардың көбісі кәсіпкерлердің өмірін жер мәселесі, мемлекеттік аграрлық-құрылысты бақылау мәселесі  бойынша жеңілдетуге бағытталғандығына қарамастан,  Алматы мен ОҚО-да біздің әріптестер осы құрылымда заңда жоқ ережелерді ойлап табуда. Яғни, олар өздері заңды оқымаған және сол себепті ойдан шығарылған нұсқаулар пайда болады»,-деді Бақытжан Сағынтаев.

Сонымен қатар, Үкімет басшысы жер және басқа да бизнес мәселелер бойынша соттың істі қарауы бойынша сұрақтарға көңіл бөлді.

«Егер сотка 20 пайызы жететін болса, онда сол инспектордың жауапкершілігін тексеру керек, онымен кім айналысқандығын: а) біліктілігі жоқ маман б) қандай да өзімшіл мақсаттар, бұл жерде біздің заңнамаға жауапкершілікті нақты жазып өту керек»,-деді Премьер-Министр.