• Басты
  • Қ.Бишімбаев: Жыл соңына дейін Қазақстанда 6,8 мың отбасы тұрғын үймен қамтамасыз етіледі
27 Қыркүйек, 2016 10:14

Қ.Бишімбаев: Жыл соңына дейін Қазақстанда 6,8 мың отбасы тұрғын үймен қамтамасыз етіледі

Биыл қаржыландырудың барлық бағыттары бойынша жалпы соммасы 750 млрд. теңгені құрайтын 9 млн. шаршы метр тұрғын үйді пайдалануға беру көзделіп отыр. Бірінші жартыжылдықтың жетістіктерін ескере отырып, қаңтар айына дейін тағы 6,8 мың отбасы жаңа үйге кіретін болады, деп Үкіметтің бүгінгі отырысында ҚР Ұлттық экономика министрі Қуандық Бишімбаев мәлім етті.
Қ.Бишімбаев: Жыл соңына дейін Қазақстанда 6,8 мың отбасы тұрғын үймен қамтамасыз етіледі

 «Барлық дереккөздердің есебіне орай, 2016 жылдың қаңтар-тамыз айларында тұрғын үйлердің пайдалануға берілуі 14 пайызға ұлғайды – 6,37 млн шаршы метрге дейін. Ағымдағы жылы жалпы соммасы 750 млрд. теңгені құрайтын 9 млн. шаршы метр тұрғын үйді пайдалануға беру көзделіп отыр»,-деді Қ.Бишімбаев.

Сонымен қатар, министрдің айтуы бойынша, ағымдағы жылы Мемлекет басшысының тапсырмасы бойынша тұрғын үй құрылысын ынталандыруға қосымша 360 млрд теңге бөлінді, оның ішінде жалға берілетін тұрғын үйдің құрылысына 53 млрд теңге бағытталды, несиелік тұрғын үйдің құрылысына – 127 млр теңге, коммерциялық тұрғын үйдің құрылысына – 97 млрд теңге, инженерлік-коммуникациялық инфрақұрылымды жайластыруға-61 млрд теңге, ҚТҚЖБ салымшыларын несиелендіру үшін – 22 млрд теңге бағытталды. 

«Оның нәтижесінде, мемлекеттік қаражат есебінен 2015 жылы және 2016 жылдың өткен кезіңінде 22,6 мың отбасыға тұрғын үй берілді және ағымдағы жылдың соңына дейін қосымша 6,8 мың отбасы тұрғын үймен қамтамасыз етіледі. 2017 жылы 33,0 мың пәтер салынатын болады»,-деді ҚР ҰЭМ басшысы.

«Нұрлы жол» бағдарламасы 2020 жылға қарай 4,5 млн шаршы м тұрғын үйді пайдалануға беруді жоспарлауда.

Айта кетейік, соңғы 25 жылдың ішінде 113,2 млн. шаршы метр тұрғын үй пайдалануға берілді. Осының арқасында 1 млннан астам отбасы жаңа пәтерге қол жеткізді.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды