Жыл басынан бері қазақстандықтар 884,7 млрд теңге сомасында зейнетақы төлемдерін алды
27 Қыркүйек, 2016 19:31
2016 жылғы қаңтар-тамыз айларында республикалық бюджеттен базалық зейнетақы төлеу үшін 195,3 млрд. теңге, ортақ зейнетақы төлеу үшін 689,4 млрд. теңге бөлінді.
ҚР Денсаулық сақтау және әлеуметтік даму министрлігінің баспасөз қызметі хабарлағандай, 1 қыркүйектегі мәліметтерге сай базалық зейнетақыны 2 млн. 47 мың адам, ортақ зейнетақыны 2 млн. 20 мың адам алады.
Базалық зейнетақының мөлшері 11 мың. 965 теңгені, зейнетақының орта мөлшері 55 мың. 49 теңгені құрайды (базалық зейнетақыны қоса есептегенде).
