Атырауда қазақстандық-британдық бизнес-форум өтеді
4 Желтоқсан, 2013 11:22
Атырауда қазақстандық-британдық бизнес-форум өтеді, шараның басты тақырыбы-Қазақстан мен Ұлыбритания компаниялары арасындағы ынтымақтастық, деп ҚР сауда және өндіріс палатасының баспасөз қызметі хабарлады.
«Форум аясында екі жақты кездесулер мен таныстырулар күтілуде. Шараны өткізу қазақстандық компанияларға британиялық әріптестерімен әр түрлі қондырғылардың сметалық жұмысы, мұнай газ секторы бойынша бірқатар сұрақтардың басын ашуға септігін тигізеді», - делінген хабарламада.
ҚР кедендік органының мәліметінше, 2012 жылы ҚР мен Британияның сауда айналымы 2,3 млрд АҚШ долларын құрады, ол 2011 жылмен салыстырғанда 9,5 пайызға жоғары. 2013 жылдың қаңтар-сәуір айларының көрсеткіші 610 млн долларды құрады. Ол 2012 жылмен салыстырғанда 15,7 пайызға жоғары.
Соңғы жылдары Ұлыбритания Қазақстанның үшінші инвесторына айналды. Ұлттық Банкінің мәліметінше, 1993-2012 жыл аралығында британдық инвестициялардың құны 11,7 млрд АқШ долларын құраған.
