ИСЕСКО бас директоры халықаралық маңызды мәселелердің шешімінде Н.Назарбаевтың ерекше рөлін атап өтті

26 Қыркүйек, 2016 12:49

Елбасы Нұрсұлтан Назарбаев ислам әлемінің көшбасшысы ретінде ислам әлемі үшін оңтайлы бастамаларды алға тартады. ИСЕСКО Қазақстанмен байланыстыратын ынтымақтастықты мақтан тұтады, деді Білім, ғылым және мәдениет жөніндегі Ислам ынтымақтастық ұйымының бас директоры Абдулазиз Осман Ат-Туэйджри.

«Ғылым мен технологияда ғана емес, сондай-ақ, ғылым мен инновацияны қамтамасыз ететін заңнама саласында да ынтымақтасқан жөн», - деді ол.

ИСЕСКО бас директоры Азия парламентаралық форумы аясында Нұрсұлтан Назарбаевтың төрағалығымен Қазақстанның халықаралық маңызды шешімдерінің үлесін айтып өтті.

«Елбасы Нұрсұлтан Назарбаев ислам әлемінің көшбасшысы ретінде ислам әлемі үшін оңтайлы бастамаларды алға тартады. ИСЕСКО Қазақстанмен байланыстыратын ынтымақтастықты мақтан тұтады. Біз аталмыш ынтымақтастықтың нығаюынан үміттіміз», - деді ол.

Астанада білім, ғылым және мәдениет мәселелері бойынша Азия парламентаралық форумы өтіп жатыр. Шара ғылым, технология және инновация мәселелеріне арналады. Форумға 20 елдің Парламент өкілдері мен сарапшылар, сондай-ақ, алты халықаралық ұйымның мүшелері қатысуда.

Индира Кауметова

Барлық жаңалықтар