ҚР ИДМ: 11 жыл ішінде Қазақстанға 220 млрд доллар сомасында шетелдік инвестиция тартылды

26 Қыркүйек, 2016 11:54

Соңғы 11 жыл ішінде инвестициялық ахуалды жақсарту аясындағы мақсатты жұмыстардың нәтижесінде Қазақстанға 220 млрд АҚШ долларын құрайтын шетелдік инвестиция тартылды, деді ҚР инвестициялар және даму вице-министрі Ерлан Хаиров Қазақстан-Грекия бизнес форумы барысында.

«Қазақстан тұрақты ішкі саяси жағдайына орай және дағдарысқа қарсы шаралар арқасында дамудың оңтайлы өрісін ұстап қалды. Соңғы 11 жылда инвестициялық климатты жақсарту бойынша мақсатты жұмыстардың нәтижесінде Қазақстанда шетелдік тікелей инвестицияның ағыны 220 млрд АҚШ долларды құрады»,-деді Е.Хаиров.

Вице-министрдің айтуынша, Қазақстанның Үкіметімен инвестициялық ахуалды жақсарту бойынша белсенді жұмыстар атқарылуда, ауқымды ынталандыру топтамасы мен инвесторлар үшін мемлекеттік қолдау әзірленген. Олар инвестициялық субсидиялауды, тұрақты заңнаманы, салықтық жеңілдіктерді қамтамасыз етеді.

«Инвестициялық заңнаманы одан әрі жетілдіру бойынша жұмыстар атқарылуда. Бүгінгі күні еліміздің барлық өңірлерінде «бір терезе» ұстанымы бойынша инвесторларға ашық қызмет көрсету секторлары ашылған»,-деді Е. Хаиров.

Вице-министр қорытынды сөзінде қазақстандық тарап грекиялық инвесторларға жан-жақты қолдау көрсетуге дайын екендігін мәлім етті.

Ботагөз Айтжанова