ШҚО-да ағашты тереңдетіп өңдейтін кәсіпорынның құрылысы аяқталуда
«Екі Дос және Компания» ЖШС ағашты тереңдетіп өңдеп, одан фанер тақтайшалары мен ОSВ тақтасын шығарумен айналысады.
Глубокое ауданының Степное ауылында ылғалға төзімді және ламинадтталған тақтайшалар, ОSВ-3 тақталары мен металл жабындыларын шығаратын кәсіпорынды іске қосу жұмыстары аяқталуға жақын. Жоба құны - 300 млн теңге. Жоспарға сәйкес тауарлық өнім өндірісінің көлемі 2656 текше метрді құрайды. 60 жаңа жұмыс орны ашылмақ. Кәсіпорын басшылығы мекемені толық қуатында жұмыс режиміне қосу мақсатында «Бизнестің Жол картасы» бағдарламасы бойынша қолдау көрсетуге өтініш білдірді.
Аймақ басшысы Даниал Ахметов жобамен танысып, аудан әкімдігіне қаржылық даму институттары арқылы бұл мәселені шешуге болатынын, тиісті құжаттарды дайындау қажеттігін тапсырды.
