Ақмола облысында жыл басынан бері 270 мың шаршы метр тұрғын үй пайдалануға берілді

23 Қыркүйек, 2016 20:23

Ақмола облысында баспананы пайдалануға беруді 122 пайызға орындады, деді Ақмола облысы құрылыс басқармасының жетекшісі Амангелді Смайылов өңірлік коммуникация қызметінде.

Ол айтып өткендей, «Нұрлы жол», «Жұмыспен қамтудың жол картасы-2020», «Өңірлерді дамыту» мемлекеттік бағдарламалары аясында Ақмола облысында 271,2 мың шаршы метр тұрғын үй пайдалануға берілді. Жылдық жоспар 122 пайызға артық орындалды.

«Жас отбасылар үшін 6 мың шаршы метр тұрғын үй бөлінсе, 7,1 мың шаршы метр жергілікті атқарушы органдар өкілдерінің ішінен кезекте тұрғандарға берілді, сондай-ақ, «Тұрғын үй құрылыс жинақ банкі» салымшылары үшін 11,5 мың шаршы метр тұрғын үй, 108 мың шаршы метр коммерциялық тұрғын үй, 12,5 мың шаршы метр өзге бағыттағы үйлер мен жеке тұрғын үй көлемі 126 мың шаршы метрді құрады», - деді Смайылов.

Ол сондай-ақ, Қазақстанда «Нұрлы Жер» тұрғын үй құрылыс бағдарламасы пайда болатындығын атап өтті. Оған тұрғын үй мемлекеттік жобалары енеді.