Қазақстанда жыл соңына дейін 10 мың тауар өндірушіні оқыту жоспарланған

«Фермерлерге арналған семинарларды шілденің аяғында бастаған болатынбыз, біліктілікті арттыру семинарларын қазанда өткізуді қарастырып отырмыз.  Республикалық бюджет  туралы заңға сәйкес  АШМ бюджеті  бұл мақсаттарға 1 млрд теңгені қарастырып отыр», - деді ол.

Т.Рахымбеков айтып өткендей, фермерлер үшін  оқыту үрдісі  тегін жүзеге асырылады, мұндай  үрдіс өзге бірде-бір салада кездеспеген.

«Бұл ауыл шаруашылығы саласына мемлекеттік қолдау көрсету  шараларының бірі  болып табылады.  2016 жылдың соңына дейін Қазақстанда  10 мың ауыл шаруашылығы тауарын  өндірушіні қамтитын 700 семинар өткізу жоспарланған», - деді ол.

Сондай-ақ, директор айтып өткендей,  фермерлердің  уақытша мүмкіндіктерін пайдалана отырып, семинар  1-3 күнге  есептелген. Фермерлер  өздеріне қызықты бағытты  таңдап алады.

«Сұраныстар бойынша біз оқыту бағдарламасын әзірлейтін боламыз.  Дәріс оқитын маман мен сарапшыны іріктеп аламыз. Талқыланатын мәселелер өте көп, гербицидтер мен пестицидтер, экономикалық тиімділікті арттыру мен мемлекеттік қолдау мәселелері де бар. Аталмыш бағдарлама аясында  барлық қатысушыларға  мониторинг пен сауалнама жүргіземіз. Нәтижесінде,  сауалнамаға қатысқандардың 80 пайызы семинарлар туралы пікір қалдырады», - деді Н.Рахымбеков.

Индира Кауметова