Астанада кіріс пен мүлікті жаппай декларациялау тақырыбы талқыланады
3 Желтоқсан, 2013 18:55
ҚР Кәсіпкерлерінің ұлттық палатасы құрылып жатқан диалогтық алаң аясында «Қазақстан Республикасы азаматтарының кірісі мен мүлкін жаппай декларациялауға өту туралы» атты дөңгелек үстел өткізеді, деп хабарлайды ҚР КҰП баспасөз қызметі.
«Дөңгелек үстел барысында Қаржы министрлігі өкілдері шараға қатысушыларға Қазақстан Республикасы азаматтарының кірісі мен мүлкін жаппай декларациялау жұмыстары жайлы ақпарат береді», - делінген хабарламада.
Сонымен қатар, 2015 жылдан бастап жаппай декларациялауды енгізу мәселесіне қатысты және бағдарламаны орындау барысы жайлы сұрақтар төңірегінде әңгіме өрбитін болады.
Шараға мемлекеттік орган өкілдері, салалық қауымдастық пен кәсіпкерлік бірлестіктер қатысады.
