Оңтүстік Қазақстанда ЖҚЖК аясында 33 мың тұрғынға әлеуметтік қолдау көрсетілді
22 Қыркүйек, 2016 09:32
ОҚО-да «Жұмыспен қамтудың жол картасы-2020» бағдарламасы аясында I жартыжылдықта 33 383 тұрғын әлеуметтік қолдауға ие болды, деп хабарлады аймақ әкімдігінің баспасөз қызметі.
Аз қамтылған азаматтар саны 27 пайызға, жұмыссыздық – 5,2 пайызға, жастар арасындағы жұмыссыздық 3,6 пайызға төмендеді.
Сонымен қатар, биыл өңірде 37 мектепке дейінгі мекеме ашылып, балаларды қамту деңгейі 80,5 пайыздан 82,3 пайызға көтерілді.
Сондай-ақ, пайдалануға 42 мектеп, 6 балабақша беріліп, 11 аппаттық жағдайдағы және 9 үшауысымдық мектептің құрылысы аяқталды. 77 нысанға күрделі жөндеу жүргізілді.
