Астанада қазақстандық-испандық әскери ынтымақтастықтың жетістіктері талқыланды

3 Желтоқсан, 2013 18:36

Бүгін ҚР Қорғаныс министрлігінде ҚР Қорғаныс министрінің орынбасары генерал-майор Оқас Сапаров Испания Корольдігінің Қазақстан Республикасындағы Төтенше және Өкілетті Елшісі Мануэль Ларротчамен кездесті, деп ведомствоның баспасөз қызметі хабарлады.

«Жұмыс барысында қатысушылар қазақстан-испандық әскери және әскери-техникалық ынтымақтастықты дамыту перспективаларын талқылады, сондай-ақ испандық «ASPA» пилотаждық тобының алдағы уақытта Қазақстанда өтетін «KADEX-2014» қару-жарақ пен әскери-техникалық мүлік көрмесіне қатысуы мәселесін талқылады», - делінген хабарламада.

Атап өтетін болсақ, «KADEX-2014» қару-жарақ пен әскери-техникалық мүлік көрмесі әлемдік өндірушілерді Қазақстан Қарулы Күштерінің әлеуеті мен сұранысы туралы хабардар етеді, бәсекелік орта қалыптастыру үшін көш бастап келе жатқан шетелдік компанияларды тартады, сондай-ақ әскери мамандарды әлемдік өндірушілердің ең жаңа жетістіктері туралы хардар етеді.

Жұмыс барысында қатысушылар қазақстан-испандық әскери және әскери-техникалық ынтымақтастықты дамыту перспективаларын талқылады, сондай-ақ испандық «ASPA» пилотаждық тобының алдағы уақытта Қазақстанда өтетін «KADEX-2014» қару-жарақ пен әскери-техникалық мүлік көрмесіне қатысуы мәселесін талқылады.

Кездесу қорытындысы бойынша генерал-майор Оқас Сапаров пен елші Мануэль Ларротча Қазақстан мен Испания қорғаныс ведомстволары арасындағы достық байланыстарды бұдан әрі нығайтуға мүдделілік танытты.

Барлық жаңалықтар