Ақтау битум зауыты өндірістің алғашқы мұнайын қабылдады

3 Желтоқсан, 2013 18:25

Қаражанбас кен орнынан 25 мың тонна мұнай Ақтау битум зауытына битум өндірісінің бірінші сынақ легі үшін алдырылды, деп хабарлайды «ҚазМұнайГаз» Ұлттық компаниясының баспасөз қызметі.

«Ақтау пластикалық масса зауытына жол битумдары өндірісі» жобасы Мемлекет басшысы Нұрсұлтан Назарбаевтың тапсырмасы бойынша 2010-2014 жылдарға арналған Қазақстан Республикасының үдемелі индустриялды-инновациялық даму мемлекеттік бағдарламасы аясында қолға алынып отыр. Қазіргі таңда зауыттың технологиялық блогында монтаждау жұмыстары аяқталды», - делінген хабарламада.

Жыл сайын зауыт 400 мың қышқыл, 120 мың тонна модифицияланған жол битумдарын өндіреді. Сонымен қатар, 15 мың тонна жанармай фракциясы мен 230 мың тонна керосинді-дизельдік фракция, 220 мың тонна вакуумды газ майын шығарады.

Айта кету керек, полимерлі-модифицияланған битумдар ыстық пен суықта төзімділік танытып, жолдың жарамдылық мерпзімін ұзартады. Сонымен қатар жөндеу шығындарын айтарлықтай азайтады.

Барлық жаңалықтар