Қызылорда облысының Арал қаласында су желісін жүргізуге 21 млн теңге бөлінді
21 Қыркүйек, 2016 19:21
Арал қаласындағы су желісін жүргізу мақсатында аудандық бюджеттен 21 млн теңге бөлініп, мемлекеттік сатып алу заңына сәйкес конкурс өткізілген болатын, деп хабарлады облыс әкімдігінің баспасөз қызметі.
Конкурс бойынша 10 жылға жуық тәжрибесі бар «Бәйтерек-групп XIXI» мекемесі жеңімпаз болып танылды.
Қазіргі таңда ауыз су жүргізу жұмыстары Жанқожа батыр көшесінен бастау алды.
Аталмыш мекеме мердігері Б.Бекжановтың айтуынша бүгінгі таңда су желісін жүргізуге барлық қажетті құрылғылар жеткізілген. Жұмысшы топ су желісін мерзімде, яғни, қазан айының 15-де аяқтайтын болады, деп хабарлайды аудан әкімдігінің баспасөз қызметі.
