Қазақстанда балалардың кейбір сирек аурулары бойынша дәрі-дәрмектерді мемлекеттік реестрге енгізу ұсынылды

Депутаттың айтқандай, «көбелек» балалардың терісі үнемі қабыршақтанып жатады. Ал денедегі жаралар ылғи қанайды. Ондай аурумен туған балаларға арнайы жақпа май мен аса көп таңу материалдары қажет. Ата-аналар соның бәрін сырттан сатып алады. Себебі, біздегі дәрі-дәрмек ем-домға келмейді. Ал шетелден сатып алынатын материалдар мемлекеттік реестрге кірмеген.

«Бұдан бөлек, сүйегі жеңіл сынатын «xрустальды» балалардың ауруы жайында бәріміз жақсы білеміз. Олардың ата-аналары балаларын шетелге апарып, әрбір сапарына 1 млн. теңге шығын шығаруға мәжбүр болып отыр. Себебі, олардың дәрі-дәрмектері де мемлекеттік реестрге кірмейді», - дейді З.Балиева.

«Оларға көмек беретін  дәрі  памидронат медак, ел де ол сертификаттаудан  өткен жоқ, нарыққа да шығарылмаған, сондықтан ана мен балар Мәскеуге  3 айы сайын баруға мәжбүр.  «Хрустальды» балаларға қажетті бір дәрінің құны 12 мың теңге тұрады. Аталмыш ауру түрі емделмейді, бірақ аппарат сүйектің қалыңдығын 70-80 %-ға арттырады», - деді ол.

Депутат балалардың кейбір сирек аурулары бойынша дәрі-дәрмектерді мемлекеттік реестрге енгізуді сұрады. Оның айтуынша, бүгінде «көбелек» пен «xрустальды» балаларды емдеуге қажетті ем-дом бұл тізімге кірмейді. Соның салдарынан ондай балалардың ата-атаналары шетелге барып, қыруар шығын шығаруға мәжбүр.

Индира Кауметова