Оралда өнер орталығының құрылысы басталды
3 Желтоқсан, 2013 17:45
Оралда Қадыр Мырза Әли атындағы өнер орталығының құрылысы басталды, деп BNews.kz БҚО мәдениет басқармасына сілтеме жасай отырып хабарлады. Мекемені 2014 жылы қолданысқа беру жоспарлануда.
«Мекеме жетінші шағын ауданда орналасқан. Өнер үйі КПО мұнай консорциумының қаражатына салынады», - деп хабарламада нақтыланған.
Қадыр Мырза Әли көркем аударма саласында да жемісті еңбектері көп. Әлемдік әдебиет ғұламаларының талайының шығармаларын ол қазақ тіліне аударады. Ал өзінің біраз топтамалары мен таңдаулы өлеңдері ағылшын, француз, неміс, поляк, болгар, венгер, фин тілдеріне аударылды.
Мекеменің жалпы алаңы 3300 шаршы метр, 750 млн теңгені құрайды.
« Бұл мұражайда біздің жерлестеріміздің Қадыр Мырза Әли, Таир Жароков, Хамза Есенжановтың туындылары қойылады. Сондай-ақ, мекемеде оқу залы мен амфетиатр болады», - деді облыстық мәдениет басқармасының жетекшісі Айдар Батырханов.
