2016 жылы ауыл шаруашылығы дақылдарының жалпы түсімі 22 млн тоннадан асады – ҚР АШМ

20 Қыркүйек, 2016 13:27

2016 жылы Қазақстанда ауыл шаруашылығы дақылдарының жалпы түсімі 22 млн тоннадан асатындығы болжанды, деп Үкіметтің отырысында ҚР Ауыл шаруашылығы вице-министрі Қайрат Айтуғанов мәлім етті.

«Тамыз айының үшінші оңкүндігінде еліміздің барлық өңірлерінде жаппай егін жинау басталды. 20 қыркүйектің жағдайы бойынша 11 млн 100 мың гектар жиналды, яғни дәнді дақылдардың 72%-ы жиналды. Гектардан 14,9 центнер өнімділігі бойынша 16,5 млн тонна бидай соғылды және ол өткен жылғымен салыстырғанда 3,4%-ға жоғары»,-деді Қ.Айтуғанов.

Көбіне бидай егетін Қостанай, Ақмола және Солтүстік Қазақстан облыстарында 7,5 млн. га аса аумақ орылды және де жинау науқаны жалғастырылуда.

Қ.Айтуғановтың айтуы бойынша, оңтүстік аймақтың облыстарында масақты дақылдардың жұмысы аяқталуда және жүгері, күріш жинау жұмыстарын бастады.

«Батыс Қазақстан облысында жұмыс аяқталды. ШҚО, Павлодар және СҚО-да 76 мың га жиналды. Ағымдағы күні жүгері 38 мың гектарлы алаңнан жиналды және ол өткен жылғымен салыстырғанда 0,7 центнерге жоғары. Күріш 48,5 гектар, астық өнімділігі 35,6 болды және өткен жылғымен салыстырғанда гектардан 5,3 центерге жоғары болды. Сонымен қатар, картоп, көкеністер жинау жұмыстары басталды»,-деді вице-министр.

Осылайша, Қазақстанда ауыл шаруашылығы дақылдарының жалпы түсімі 22 млн тоннаға жетеді деп болжамдануда.

Ботагөз Айтжанова