Б.Сағынтаев өңірлерде жылыту маусымына дайындықты жеделдетуді тапсырды

«Ақмола, Жамбыл, Қызылорда мен Шығыс Қазақстан, Қостанай облыстарының әкімдіктері алдағы жылыту маусымына  жанармай сатып алу үшін Үкімет резервінен  1 862 млн теңгеге бюджеттік сұраным  тапсырды. Оның ішінде мазутты сатып алу үшін 30 мың 364 тоннаға  1 528 млн теңге, 92 мың тонна көмірді сатып алуға  335 млн теңге берілді», - деді Қ.Бозымбаев.

Бұл өтініш бойынша Б.Сағынтаев  жауапты ведомстволарға  Үкіметтің келесі отырысына дейін шешім қабылдау керектігін айтты.

Сондай-ақ,  аталмыш мәселе бойынша  Ұлтық экономика министрі Қуандық Бишімбаев  есеп берді.

«Алдағы жылыту маусымына дайындық мақсатында  2015-2017 жылдарға арналған шаралар жоспары мақұлданды. Жоспарға сәйкес, облыстарда жылу көздері мен білім беру нысандары, денсаулық сақтау мекемелері дайындалып жатыр. Қазіргі таңда  әкімдіктер ұсынған ақпарат бойынша,  10 967 білім беру нысаны  толық жөнделіп, қысқа дайындалды. Денсаулық сақтау нысандарының дайындығы 96 пайызды құрап отыр. Әкімдіктердің мәліметінше, қазандықтардың  жөнделуі 96 пайызға орындалды, қалған 4 пайызы 15 қазанға дейін дайын болады», - деді Қ.Бозымбаев.

Ол айтып өткендей, көмір сатып алудың төмен үрдісі Батыс Қазақстан облысы, Ақмола, Қарағанды, Жамбыл және Қостанай облыстары мен астанада байқалып отыр.  

Ботагөз Айтжанова