Б.Сағынтаев: Өңірлерде азық-түлік бағасын сақтап тұруды қамтамасыз ететін қатаң қадағалу жетіспейді

«Бізде  өндірісті ынталандырып, бағаны сақтап тұруды жүзеге асыратын тетіктер өте көп, олар жұмыс істемей отыр. Себебі,  өңірлерде әкімдік тарапынан бағаны реттейтін қатаң қадағалау жоқ», - деді Б. Сағынтаев.

Премьер-Министр жергілікті атқарушы органдарға  азық-түлік  өнімдерінің бағасын реттеу бойынша  жүйелік шаралар қолдануды тапсырды.

«Біз кейбір әріптестеріміздің  жүйелік шараларды қолданудың орнына, базар аралап бағаларды реттеп кететінін көреміз. Олар өздері келмес бұрын, бағаның өзгертілетінін біледі.  Бұл популизмнен басқа ешнәрсеге әкелмейді», - деді ол.

Осы орайда Б.Сағынтаев министрлер мен әкімдерге  нақты өнімдер бойынша бағаның көтерілу себебін  нақтылап отыруды тапсырды.

Ботагөз Айтжанова