Р.Жақыпов: Қазақстанда қару-жарақты заңсыз сатып алудың кез келген мүмкіндігін болдырмау қажет

«Мемлекет пен тұрғындардың қауіпсіздігін қамту үшін біз азаматтық қаруды  4 бірліктен асырмау туралы шешімді қайта талқылауға келіп отырмыз. Біз қару-жарақты заңсыз қолдану  бойынша мысалдар келтірдік. Егер бір үйден 10 қару шығатын болса, 10 лаңкес қару-жарақпен қамтылды деп есептеуге болады», - деді Р.Жақыпов.

Министрдің орынбасары айтып өткендей, болашақта мемлекет заңсыз қолданылатын қарудың кез келген мүмкіндігін болдырмауы керек.

«Біз адамдардың қару сатып алғанына қарсы емеспіз, бірақ олардың саны 10 емес төрт болуы керек.  Меніңше, аң аулаудың да әр түрлі түрі бар. Біз бұл тәртіптерді Қазақстанда лаңкестік орнамаған жағайда енгізбесте едік», - деді Р.Жақыпов.

Айта кетейік, Мәжілісте «Қазақстан Республикасының кейбір заңнамалық актілеріне экстремизмге және терроризмге қарсы іс-қимыл мәселелері бойынша өзгерістер мен толықтырулар енгізу туралы» үкіметтік заң жобасының таныстырылған болатын.

Заң жобасына енгізілетін түзетулер қару-жарақтың заңсыз айналымы, заңсыз көші-қон және есірткі бизнесі саласындағы қылмыстар бойынша балама тергеуді енгізуге, қару-жарақ айналымына, оны сақтау тәртібіне бақылауды күшейту, оның ішінде азаматтық және қызметтік қару-жарақ пен оқ-дәрілердің айналымы саласында жұмыс істейтін, сондай-ақ күзет қызметін жүзеге асыратын кәсіпкерлік субъектілерін мемлекеттік бақылаудың ерекше тәртібін жүзеге асыруға бағытталған.

Сонымен қатарқұжаттаэкстремизм мен терроризмге ықпал ететін діни топтар мен бірлестіктердің іс-әрекеттеріне тыйым салу да қарастырылған.

Ботагоз Айтжанова