Е.Бахмутова: Қазақстанда төртінші МӨЗ салу бойынша нақты шешім қабылданған жоқ
19 Қыркүйек, 2016 13:28
Қазақстанда төртінші мұнай өңдеу зауытын салу бойынша нақты шешім қабылданған жоқ. Экономикалық мақсаттылық және инвесторлардың дайындықтары да ескерілуде. Бұл туралы «Самұрық-Қазына» АҚ Қаржы және операциялар жөніндегі басқарушы директор Елена Бахмутова Мәжілістегі үкімет сағатында айтты.
«Менің түсінігім бойынша, төртінші мұнай өңдеу зауытын салу туралы мәселе қозғалуда. Аталмыш мәселе қазірдің өзінде қарастырылып жатыр, ол бойынша нақты шешім қабылданған жоқ. Экономикалық мақсаттылық және инвесторлардың дайындықтары да ескерілуде»,-деді Е.Бахмутова.
Естеріңізге сала кетейік, 2014 жылдың желтоқсан айында Қазақстан президенті Нұрсұлтан Назарбаев дағдарыс кезінде мұнай мен газға баға төмендеген кезеңде Қазақстанға міндетті түрде мұнай өңдеу зауытының керектігін айтты.
Ботагөз Айтжанова
