Жамбыл облысында инновациялық технология арқылы АӨК-ні дамыту жоспарлануда

Жамбыл облысы агроөнеркәсіп кешені саласындағы тараптардың ынтымақтастығының мақсаты, «ҚазҰАУ» КЕАҚ – ның және аймақтың агроөнеркәсіп кешенінде агробизнес субъектілерінің қатысуымен ғылыми жетістіктерді және алдыңғы қатарлы агротехнологияларды ендіру, инновациялық жобаларды жүзеге асыру есебінен ауылшаруашылығы өнімі өндірістерінің тұрақты өсуіне көмек көрсету болып табылады.

Тараптардың Жамбыл облысының агроөнеркәсіп кешенін ғылыми және инновациялық дамыту саласындағы ынтымақтастығының негізгі бағыттары ауылшаруашылығы дақылдарының жоғары сапалы және жоғары өнім беретін сұрыптарын, ауылшаруашылығы жануарларының жоғары өнімді тұқымдарын, түрлерін, желілерін шығару және ендіру, ауылшаруашылығы жануарларының тездетіп өсіп-өнуі бойынша биотехнологиялық әдістерін ендіру және жайылым ресурстарын тиімді басқару бойынша технологиялар жасау және Жамбыл облысы аумағында ауылшаруашылығы жануарларын бағу және қоректендірудің инновациялық технологияларын жасау.

Сондай –ақ, жаңа инновациялық жобаларды ұйымдастыру және агроөнеркәсіптік өндірістің қолданыстағы бағыттарын дамыту үшін инвестицияларды және шетелдік технологияларды тарту, кадрлық ресурстар әлеуетін арттыру, АӨК субъектілерінебілім беруді ұйымдастыру үшін аграрлық салада білімді тарату жүйесін қалыптастыру және дамыту, соның ішінде мемлекеттік-жекеменшік әріптестік негізінде және тараптар арқылы аймақ АӨК инновациялар бойынша ортақ іс-шараларды өткізу (республикалық және облыстық семинарлар, ғылыми-практикалық конференциялар, егіс күні, кеңес, дөңгелек үстелдер және т.б.).