Бішкекте ТМД елдерінің көшбасшылары 16 халықаралық құжатқа қол қойды

16 Қыркүйек, 2016 21:46

ТМД елдерінің Мемлекет басшылары 16 құжатқа қол қойды, оның ішінде Ұйымның 25 жылдығы туралы Мәлімдеме, БҰҰ Бас Ассамблеясының әлемдік есірткі мәселесі жөнінде арнайы сессиясының қорытындысы бойынша мәлімдеме, халықаралық лаңкестікпен күрес, сондай-ақ, Нюрнберг трибуналы жұмысының аяқталуына 70 жылдың толуы туралы мәлімдемелерге қол қойылды. Бұл туралы ТМД атқарушы комитеті – атқарушы хатшылықтың төрағасы Сергей Лебедев Бішкектегі ТМД Мемлекет басшылары кеңесінің отырысында мәлімдеді.

«Отырысқа Достастықтың құрамындағы 11 ел қатысты. Шағын құрамдағы отырыста ашық пікірталастар ТМД істеріне, Достастықтың жаңа жағдайға бейімделуі сынды мәселелеріне қатысты өткізілді. Барлық делегация басшылары ТМД қажеттілігін атап өтіп, ұйымның одан әрі дамуы мен нығаюы, жетілуіне қатысты мәселелерді талқылады», - деді С. Лебедев.

С.Лебедев айтып өткендей, Достастық елдері бірқатар құжаттарды қабылдады.

«Делегация басшылары Ұйымның 25 жылдығы туралы Мәлімдемені қабылдады. Құжатта Достастықтың қызметіне баға беріліп, оның дамуы мен жетілу қажеттігі туралы айтылған. Делегация басшылары өз баяндамаларында ТМД халықаралық өңірлік ұйым ретінде қалыптасқанын айтып өтті. Ол өте қажетті ұйым, оның жойылуы туралы мәселе туындауы мүмкін емес», - деді ол.

С.Лебедевтің айтуынша 16 құжатқа қол қойылған.

Ботагөз Айтжанова

Барлық жаңалықтар