Сенат Төрағасы «ЭКСПО-2017» нысандарында болды
16 Қыркүйек, 2016 16:14
Сенат Төрағасы Қасым-Жомарт Тоқаев «ЭКСПО-2017» нысандарында болды, деп хабарлады Сенаттың баспасөз қызметі.
Парламент Сенатының Төрағасы Қасым-Жомарт Тоқаев «ЭКСПО-2017» халықаралық көрмесінің құрылыс алаңында болып, бұл ерекше нысанның даму жоспарымен танысты. Төраға «Болашақтың энергиясы» тақырыбының өзектілігін айта келіп, көрме нысандарын салудағы жоғарғы қарқынды атап өтті.
Қ.Тоқаев «Астана ЭКСПО-2017» ұлттық компаниясы» АҚ Басқарма төрағасы Ахметжан Есімовке Мемлекет басшысының тапсырмаларын іске асыруға тілектестігін білдірді.
