Жамбыл облысында 37,7 млрд теңгенің мүлкі жария етілді

Облыс әкімінің баспасөз қызметі хабарлағандай, бүгінгі күні Жамбыл облысы бойынша құны 36,4 млрд. теңгені құрайтын 7784 жылжымайтын мүліктерді жария етуге өтініштер қабылданды.

Құжаттары толық болмауына байланысты 299 өтініштер қайтарылса, қалғаны құрылған комиссиялармен қаралу үстінде.

Халық арасында мүліктерді жария етуді насихаттау мақсатында 351 семинарлар және «дөңгелек үстелдер» өткізілді, бұқаралық – ақпарат құралдарында 246 мақалалар жарияланды, 67 тематикалық сюжеттер берілді және жарнамалық мақсатта 143 билбордтар орналастырылды. Интернет – ресурстарда 187 түсіндірмелік,  жарнамалық және ақпараттық материалдар енгізілді.

Аудан әкімдерімен, мүлікті жария етуге тікелей немесе жанама байланысы бар мемлекеттік органдары басшыларының қатысуымен, кезеңдік уақыттарда мүлікті жария етуді өткізу бойынша кеңестер өткізіліп тұрады.

Жылжымайтын мүлікті жария ету бойынша бірінші орында Тараз қаласы болып табылады- 1765 нысан, Байзақ ауданы – 1056 мен Қордай ауданы - 969.

Жергілікті атқарушы органдарының жанынан құрылған комиссияларға мүлікті жария ету процесін жандандыруды және жұртшылықты мүлікті жария етуді өткізу барысы мен оны жүйелі насихаттау туралы үнемі хабардар етуді қамтамасыз ету тапсырылып, бақылауға алынды.

Біздің қоғамымыздың азаматтары үшін дүние-мүлікті жариялау жақсы мүмкіндік болып табылады.

Осы уақытта республика бойынша Жамбыл облысы дүние-мүлікті жария етуде үшінші орында тұр.

Ескертеміз, мүлікті жариялау ағымдағы жылдың 31 желтоқсанында аяқталада.