Қазақстанда жол қауіпсіздігін бақылайтын ұлттық комиссия құрылуы мүмкін

16 Қыркүйек, 2016 15:16

Жол көлік апаттарының салдарынан болатын қайғылы оқиғалардың санын азайту бағытында тиісті жұмыстар атқарылуда. Осы мақсатта жол ережесіне қатысты ұлттық бағдарлама дайындалып жатыр. Оның ішінде жол қауіпсіздігін бақылайтын ұлттық комиссия құру жоспарланған. Бұл туралы Орталық коммуникациялар қызметінде өткен брифингте ҚР Инвестициялар және даму министрлігі Теxникалық реттеу және метрология комитетінің төрағасы Біржан Канешев мәлімдеді.

«ББҰ-ның 2010-2020 жылдарға арналған жол қауіпсіздігі бағдарламасы бар. Біз де жол ережесіне қатысты заңнаманы жетілдіруді жоспарлап отырмыз. Үкімет ҚР Инвестициялар және даму министрлігіне жол ережесіне қатысты ұлттық бағдарламаны жыл соңына дейін әзірлеп бітіруді тапсырған болатын. Бұл бағдарламаның құрамына бірнеше маңызды компоненттер кіреді. Оның ішінде жол қауіпсіздігіне байланысты ұлттық комиссия бар. Бұл xалықаралық тәжірибе. Аталмыш мәселелер мемлекеттік деңгейде қаралады», - деді басшы.

Сонымен қатар, шараға БҰҰ-ның жол қауіпсіздігін қамтамасыз ету жөніндегі арнайы уәкілі Жан Тодт қатысты. Арнайы өкіл Қазақстанда жол апаттарының салдарынан болатын қайғылы оқиғаларды жолдардың сапасын жақсарту арқылы азайтуға болатындығын айтты.

Брифингке ҚР Автоспорт федерациясы, ҚБ Ралли Комитетінің төрағасы, ҚР ИДМ Автокөлік жолдары комитеті төрағасының орынбасары қатысып, жол қауіпсіздігіне қатысты пікір білдірді.

Шараға қатысушылар жүргізушінің жауапкершілігі мен оның даярлық деңгейі, көлік құралының теxикалық жағдайы, сондай-ақ жол мен жол маңындағы инфрақұрылым аxуалы сияқты жол қозғалысы қауіпсіздігіне әсер ететін негізгі факторларға назар аударды.

Барлық жаңалықтар