Электр энергиясындағы БЭК үлесін 3%-ға дейін жеткізу жоспарланған – Энергетика министрлігі
16 Қыркүйек, 2016 11:13
Қазақстан баламалы энегрия көздерін дамытуды қолдайды, жақын арада энегрияны алу көлемін 10%-ға жеткізу жоспарланған, деп хабарлады Энегетика министрлігі.
«Мемлекет 2020 жылға қарай Электр энергиясындағы БЭК үлесін 3%-ға дейін жеткізуді жоспарлап отыр. 2030 жылға қарай БЭК үлесін 10 пайызға жеткізу көзделген», - делінген хабарламада.
Бүгінгі таңда республикада БЭК-тің 48 нысаны жұмыс істейді. Оның жалпы қуаттылығы 252,37 МВт-ты құрады.
БЭК нысандары Қазақстан электр энергиясының 0,94 пайызын өндіреді.
Энергетика министрлігі хабарлағандай, бүгінде республика баламалы энергия көздерін дамытуда. Ол үшін елде барлық қажетті жағдай жасалуда: нормативтік-құқықтық база, нақтыланған тариф, баламалы энергия көздерін зерттеу, БЭК интеграциясына желілердің қаншалықты дайын екенін тексеру жүргізілуде.
