«KazSat-3» жерсерігі 2014 жылдың I жартысында ұшырылады – Мейірбек Молдабеков

3 Желтоқсан, 2013 14:02

Қазақстандық жерсерік байланысы мен хабар тарату жүйесін құрудың келесі сатысы «KazSat-3» ұлттық жерсерігін жасау жобасы 2014 жылдың 1 жартысында аяқталады. Бұл туралы бүгін ОКҚ брифингінде Ұлттық ғарыш агенттігі төрағасының орынбасары Мейірбек Молдабеков мәлім етті.

«KazSat-3» спутнигін 2004 жылғы 1 тоқсанда «Байқоңыр» ғарыш айлағынан ұшыруды жүзеге асыру жоспарланып отыр. «KazSat-3» спутнигін пайдалануға берудің арқасында, жерсерік толық қуатында жұмыс істеген жағдайда, қызметтер импортын 4 млрд. теңгеден астам сомаға азайта аламыз»,- деді М.Молдабеков өз сөзінде.

«KazSat-3» телекоммуникациялық спутнигі телевизия хабарларын таратудың, бекітілген байланыстың, интернеттің және деректерді берудің қазақстандық рыногының қажеттіліктерін қанағаттандыруға арналған», - деді М. Молдабеков.

«Бүгiнгi күнi бас мердiгер «KazSat-3» спутнигi ғарыштық платформасын құрастыру жұмыстарын аяқтап, оны автономды электрлiк сынақтан өткiздi. «KazSat-3» спутнигiн 2014 жылдың бiрiншi тоқсанында «Байқоңыр» ғарыш айлағынан ұшыру жоспарланып отыр», - деп түйіндеді Мейірбек Молдабеков.

«Оны қалыптастыру және іске қосу бойынша жарияланған халықаралық конкурстың нәтижесінде, ғарыш аппараттарын жасау бойынша көпжылдық тарихы бар алдыңғы қатардағы ресейлік жетекші кәсіпорын «Академик М.Ф.Решетнёв атындағы ақпараттық спутниктік жүйелер» ААҚ-мен «KazSat-3» телекоммуникациялық спутнигін жасау шартына қол қойды. Бүгінгі күні бас мердігер «KazSat-3» спутнигі ғарыштық платформасын құрастыру жұмыстарын ақытап, оны автономды электрлік сынақтан өткізді»,- деді Ұлттық ғарыш агенттігі басшысының орынбасары өз сөзінде.

Барлық жаңалықтар