Қазақстанда 2025 жылға қарай ЭЫДҰ елдерінен еңбек өнімділігі саласында кейін қалуды 30%-ға дейін қысқарту жоспарланған

«2015-2019 жылдарға арналған екінші бесжылдықтың мақсаты – жоғары қайта бөлу өнімдеріне көшу жолында негізгі индустрияны құруды аяқтау. Бұл салада мемлекеттің атқарған барлық ісі  ЭЫДҰ стандартына сай бағытталған», - деді А.Рау.

Вице-министр айтып өткендей, алдымен   бұл Қазақстанның инвестициялық климатына байланысты. 

«Біз Қазақстанның инвестициялық климаты бойынша екі зерттеу жүргіздік, біз ЭЫДҰ тапсырмаларын көрдік, аталмыш ұйымның еңбек өнімділігіне қарай бағыт алып отырмыз. 2015 жылы  еңбек өнімділігі бойынша ЭЫДҰ елдерінен кейін қалуы 60 пайызды құрады, 2020 жылға қарай бұл көрсеткішті 50 пайызға, 2025 жылы 30 пайызға жеткізуді көздеп отырмыз», - деді ол.

А.Раудың айтуынша, бұл мақсаттардың барлығы дамыған 30 елдің қатарына ену жолында жасалып жатыр.

«Бұл мақсатқа жетудегі маңызды көрсеткіш еңбек өнімділігі болып табылады», - деді ол.

Индира Кауметова