А.Рау: Қазақстанның барлық өнімдерінің бестен бір бөлігін Индустрияландыру картасының жобалары өндіреді (ФОТО)

15 Қыркүйек, 2016 10:57

ИИДМБ-ның бірінші бесжылдығында белсенді индустриялық даму үшін негізгі жағдайлар жасалды. Бірінші бесжылдықтың әдістері Қазақстанда өндірілетін өнеркәсіптік өнімдерінің шамамен 10%-ын берді. Бұл туралы ҚР Инвестициялар және даму бірінші вице-министрі Альберт Рау «Қазақстанның өнеркәсіптік саясаты: өнімділікті ұлғайту жолымен экономиканың басым секторларында өнеркәсіптік кәсіпорындардың бәсекеге қабілеттілігін арттыру» атты V Халықаралық ғылыми-тәжірибелік конференция барысында мәлімдеді.

«Өнімділік еңбектің нақты өсуі мен ілгерілеуінің көзі болып табылады. Бәсекеге қабілетті жаһандық экономикада өмір сүрудің қолайлы стандарттарын сақтау үшін, мемлекет негізгі салаларда өнімділік еңбегінің бәсекелестік деңгейін ұстап тұруы тиіс»,-деді ол.

Вице-министрдің айтуынша, білім интеграциясы мен ДСҰ-ға ену жағдайында кәсіпорындар үшін өнімділікті ұлғайту басымдыққа ие болады.

Бірінші бесжылдықта, яғни, 2010-2014 жылдары белсенді индустриялды дамыту үшін негізгі жағдайлар құрылды: бұл заңнамалық база, инфрақұрылым, әдістер. Бірінші бесжылдықта жаңа жобалар барлық өндірістік өнімнің 10 пайызын құрады»,-деді ол.

Осылайша, 2016 жылдың бірінші тоқсанының қорытындысы бойынша, барлық өнімнің бестен бір бөлігі Индустрияландыру картасы аясында құрылған жобалармен өндіріліп, жаңғыртылды.

«Бірінші бесжылдықта мемқолдауды қамту шамамен орта, шағын және ірі кәсіпорындардың 7 мыңын құрады. Сондай-ақ, 160 мың жаңа жұмыс орны сақталып, құрылды»,-деді вице-министр.

Айта кететін жайт, Қазақстанның өнеркәсіптік саясаты: өнімділікті ұлғайту жолымен экономиканың басым секторларында өнеркәсіптік кәсіпорындардың бәсекеге қабілеттілігін арттыру» атты V Халықаралық ғылыми-тәжірибелік конференциясын өткізу дәстүрге айналды. Ол ИИДМБ-ның бірінші бесжылдығы аясында, яғни 2010 жылы құрылған болатын.

Индира Қауметова

Сурет: Азамат Әлиев

Барлық жаңалықтар