Мәжіліс Қазақстан мен Сербия арасындағы салық салу туралы конвенцияның ратификациясын мақұлдады
Мәжіліс «Қазақстан Республикасының Үкіметі мен Сербия Республикасының Үкіметі арасындағы Табыс пен капиталға салынатын салықтарға қатысты қосарланған салық салуды болдырмау және салық салудан жалтаруға жол бермеу туралы конвенцияны және оған Хаттаманы ратификациялау туралы» Қазақстан Республикасы Заңының жобасын мақұлдады.
Конвенция Қазақстан мен Сербия арасындағы экономикалық ынтымақтастық тың кеңеюі мен нығаюына бағытталған», - деп хабарлады Мәжілісте.
«Бұл конвенцияны ратификациялау, бiрiншiден, уағдаласаушы мемлекеттердiң резиденттерi болып табылатын заңды және жеке тұлғалардың табысына қосарланған салық салуды жоюға мүмкiндiк бередi. Салық төлеушiге бiр рет, атап айтқанда, уағдаласушы мемлекеттердiң бiрiнде ғана салық төлеу рәсiмi бекiтiледi, ал әрiптес мемлекет оған салықтың төленген сомасын есепке жатқызуды ұсынады. Екiншiден, инвестициялар үшiн қолайлы жағдай жасау арқылы Қазақстан мен Сербия арасындағы экономикалық ынтымақтастықты нығайтуға, кеңейтуге жол ашады», - дейдi ҚР Қаржы министрi Бақыт Сұлтанов.
Министр айтып өткендей, 50 мемлекет осы сынды конвенцияны ратификациялады. 27 ел ЭЫДҰ құрамына енеді, 12 ел Таяу Шығыс қатарында тұр.
Сондай-ақ, екi мемлекеттiң құзыреттi органдары арасында салық мәселелерi бойынша ақпарат алмасу арқылы салықтан жалтаруларды болдырмау мәселелелерiн шешуге көмектеседi.
