Қытайлық кәсіпкерлерді Ақмола облысындағы омарташылықтың дамуы қызықтырды (ФОТО)

Қытай Ауыл шаруашылығы министрлігінің  инспекцияны тексеру мен карантинін қадағалау бас басқармасы төрағасының орынбасары Мей Кебао басқарған Қытай Халық Республикасының делегациясы Аршалы ауданының Бабатай бекетіндегі  омарташылық  шаруашылығында болып қайтты. Ол Ақмола облысындағы ірі және тәжірибелі омарташы  Анатоли Добровольскийдің шаруашылығы.

Қытайдан келген қонақтар ақмолалық омарташылардың  еңбегін жоғары бағалады және қазақстандық балдың сапасына риза болды.

Қытайдан келген қонақтар  туралы Анатолий Добровольский бір-екі ауыз сөз айтты. Оның айтуы бойынша, Қазақстанда омарташылықтың  дамуына көп көңіл бөле бастады.

«ҚР Ауыл шаруашылығы министрлігі омарташылық  сала тиімді екендігін түсінді. Бұл – еліміздің экономикасына қосымша капиталдың ағыны болып табылады»,-деді ол.