Н. Назарбаев «Родина» агрофирмасы» ЖШС сүт зауытына барды
3 Желтоқсан, 2013 12:00
Мемлекет басшысы Нұрсұлтан Назарбаев Ақмола облысына жұмыс сапары барысында сүт зауытының өндірістік қуатымен және кәсіпорынның қызмет аясын одан әрі ұлғайту жоспарларымен танысты, деп Ақорданың баспасөз қызметі хабарлады.
«Жобаның негізгі мақсаты – қауіпсіз және бәсекеге қабілетті сүт өнімдерінің тиімді әрі заманауи өндірісін құру. Қайта өңдеуге жоғары өнімді шетелдік мал тұқымы негізінде өздері өндірген шикізат пайдаланылады», - делінген хабарламада.
Сүт зауыты индустриялық бағдарлама аясында 2011 жылы салынған. Инвестицияның жалпы құны – 762 млн. теңге. Қазіргі уақытта тәулігіне 25-30 тонна сүт өндіріледі.
Сондай-ақ, зауытты аралау барысында Ақмола облысының әкімі Қ.Айтмұхаметов Мемлекет басшысына Астананың айналасында «азық-түлік» белдеуін құру жобасының іске асырылуы туралы баяндады.
