Премьер-Министр ҚМ мен ҰЭМ-ді мүлікті түгендеу мәселесіне жауапкершілікпен қарауға шақырды
13 Қыркүйек, 2016 19:51
ҚР Премьер-Министрі Бақытжан Сағынтаев Үкімет отырысы барысында Қаржы минитстрлігі мен Ұлттық экономика министрлігіне инвентаризация мәселесіне жауапкершілікпен қарауға тапсырма берді.
«Барлық меморгандар ведомствоаралық ұйымдарды қайта түгендеуден өткізу керек. Кеңейтілген отырыста Мемлекет басшысы бүгінгі күні 11 министрлікте 371 ведомствоаралық ұйымдар бар екендігін айтып өтті. Олардың барлығының қажеттілігі бар ма?»,-деді ол.
Б.Сағынтаев сөз барысында, тек олардың әкімшілік шығындарына өткен жылы 119 млр теңге жұмсалғандығын айтып өтті.
«Бұл тек орталық меморгандар бойынша ғана, ал әкімдіктердің коммуналдық меншігінде 6,5 мыңнан астам ұйым бар. Сонымен қатар, жекешелендірудің кешендік жоспарына республикалық және коммуналдық меншіктің 416 нысаны ғана енгізілді»,-деді Премьер-Министр.
Индира Қауметова
