Б.Сағынтаев «Нұрлы жол» жобасын іске асыруды жеделдетуді тапсырды
13 Қыркүйек, 2016 19:36
ҚР Премьер-Министрі Бақытжан Сағынтаев ҚР Үкіметінің отырысы барысында Инвестициялар және даму министрлігі мен Ұлттық экономика министрлігіне әкімдермен бірге «Нұрлы жол» бағдарламасы бойынша инфрақұрылымды дамыту бойынша басталған жобаларды іске асыруды жеделдету бойынша тиісті шараларды қабылдауға тапсырма берді.
«Мемлекет басшысы «Нұрлы жол» бойынша бюджеттік қаражатты тиімді және уақытылы игеруді қамтамасыз етуді тапсырған болатын. Сонымен қатар, барлық инфрақұрылым нысандары бойынша жұмысты жалғастыру тапсырылған. Инвестициялар және даму министрлігіне Ұлттық экономика министрлігі және әкімдермен бірге инфрақұрылымды дамыту бойынша басталған жобаларды іске асыруды жеделдету бойынша тиісті шараларды қабылдауға тапсырма беремін»,-деді Премьер-Министр.
