• Главная
  • Ақтөбе облысынан келген Нұсқабаевтар отбасы «Мерейлi отбасы» байқауының жеңімпазы атанды (ФОТО)
10 сентября, 2016 11:39

Ақтөбе облысынан келген Нұсқабаевтар отбасы «Мерейлi отбасы» байқауының жеңімпазы атанды (ФОТО)

Ақтөбе облысынан келген Нұсқабаевтар отбасы «Мерейлі отбасы» үшінші республикалық байқаудың жеңімпазы атанды және Қазақстанның үздік отбасы атағын алды.
Ақтөбе облысынан келген Нұсқабаевтар отбасы  «Мерейлi отбасы» байқауының жеңімпазы атанды (ФОТО)

Естеріңізге сала кетейік, бүгін елордалық «Қазақстан» концерт залында үздік отбасыларға арналаған «Мерейлі отбасы» үшінші ұлттық байқауының қорытындысы жасалуда.

Финалға еліміздің әрбір аймағы мен Астана және Алматы қалаларының 16 отбасы өтті.

«Қазақстан» концерт залына келген көрермендердің ыстық қошеметтерімен ҚР Мемхатшысы Гүлшара Әбдықалықова байқаудың жеңімпазына отандық автокөліктің кілті мен құрмет грамотасын ұсынды.

Отағасы Әбдулла Нұсқабаев – Ұлы Отан соғысының ардагері, «Қызыл жұлдыз» орденінің, 1 және 2 дәрежедегі «Отандық соғыс» орденінің иегері, Кеңес Одағының Маршалы Г.Жуковтың  медалімен және ҰОС мерейтойлы Жеңіс медалімен марапатталған. 10 баласы, 30 немересі және 22 шөбересі бар.

«Мен 91 жастамын және осындай гүлденген елде өмір сүріп жатқаныма қуанамын. Биыл Тәуелсіздігімізге 25 жыл толады. Бұл бір жағынан үлкен жас, ал екінші жағынан ол көзді ашып жұмғанша өте шықты. Осы байқау үшін, біздің бақытты өміріміз үшін, Тәуелсіздік үшін Елбасымыз Нұрсұлтан Назарбаевқа алғысымыз шексіз»,-деді Әбдулла Нұсқабаев.

Сонымен қатар, ол сөз барысында өз балаларын патриоттық сезіммен тәрбиелеп жатқандығын айтып өтті.