Алматыда Алмалы ауданының инвестициялық жылжуы мен кәсіпкерлік дамуы талқыланды
Шараға Алматы қ. Әкімінің орынбасары Ерлан Әукенов, Алмалы ауданының әкімі Жасұлан Естенов, «Даму» кәсіпкерлікті дамыту қоры» АҚ төрағасы, «Атамекен» ҰКП, қазақстандық және шетелдік инвесторлар, Алмалы ауданының бизнес қауымдастығы, сонымен қатар, кәсіпкерлікті дамыту бойынша қоғамдық ұйым өкілдері қатысты.
Форум барысында Алматы қ. Әкімінің орынбасары Ерлан Әукенов Алматының әрбір ауданы ерекше болып келетіндігін, сол себепті биыл аудандық деңгейде салалық инвестициялық форум тәжірибесін енгізіп жатқандығын айтып өтті. Әрбір аудандық форумның өз тақырыбы мен ерекшелігі бар. Мысалы, сейсенбі күні Медеу ауданында бірінші форум өтті және ол жерде туризм мен қызмет көрсету салаларын талқыладық. Бүгінгі күні басты тақырып шағын және орта кәсіпкерлікті дамыту болып табылады. ШОБ-тың әрбір бесінші субъектісі Алмалы ауданында тіркелген – олар шамамен 50 мыңдай. Ол Батыс Қазақстанмен(47 мың), Қызылорда (47 мың) және Солтүстік Қазақстан облысымен (38 мың) салыстырғанда көп.
«Ағымдағы жылдың 7 ай ішінде ауданға шамамен 30 млрд теңге инвестиция жұмылдырылды»,-деді әкім орынбасары.
Сонымен қатар, форумда Алмалы ауданының әкімі Жасұлан Естенов баяндамасын оқыды және ол жерде бизнес үшін ауданның инвестициялық тартымдылығының маңызды факторларын айтып өтті.
Айта кетейік, инвестициялық форум - атқарушы билік органдары мен облыстың іскерлік қоғамдастықтары арасындағы ынтымақтастықтың жаңа форматы.Алмалы ауданының бірінші инвестициялық форумы аясында мемлекеттік-жеке меншік әріптестік орталығы мен «VINCI Construction Grands Projets» француз компаниясы арасында өзара түсіністік пен ынтымақтастық Меморандумына қол қойылды.
