• Басты
  • ҚР ҚК-нің ұшқыштары арнайы түнгі көру аспаптарын қолдана отырып, түнгі ұшуларды өткізуде (ФОТО)
9 Қыркүйек, 2016 20:27

ҚР ҚК-нің ұшқыштары арнайы түнгі көру аспаптарын қолдана отырып, түнгі ұшуларды өткізуде (ФОТО)

Астана маңындағы 19132 әскери бөлімінің базасында қазақстандық Әскери-әуе күштері армиялық авиацияның ұшқыштары түнгі көру аспаптарын қолдана отырып, түнгі оқу-жаттықтыру ұшуларын өткізуде, деп хабарлады Ақорданың баспасөз қызметі.
ҚР ҚК-нің ұшқыштары арнайы түнгі көру аспаптарын қолдана отырып, түнгі ұшуларды өткізуде (ФОТО)

Ми-17-В-5 тікұшағының экипажы түнгі көру аспаптарының американдық кешенін қолдана отырып, оқу-жаттықтыру ұшуларын орындайды. Ұшқыштар жарықтандырылған ұшу жолағы бойынша бірнеше жоспарлы ұшулар мен қонуларды және белгіленбеген алаңқайға қонуды орындады. Орташа биіктіктерде пилотаждау техникасын пысықтады, түнгі жағдайларда тікұшақты қолданудың жауынгерлік мүмкіндіктерінің машығын жетілдірді.

Қазақстанның армиялық авиациясы орташа есеппен алғанда жойғышқа қарағанда үнемі көбірек ұшады. Күрделі метеожағдайлар мен жеткіліксіз көрінушілік болғанда ұшу өте күрделі.  Оқу-жаттықтыру ұшуларының міндетті элементтері арасында ANVIS AN/ABS-6 авиациялық көзілдіріктерін қолдана отырып, американдық түнгі көру жүйесін қолдану болып табылады. «Бұл көзәйнектер арнайы тікұшақты басқару үшін әзірленген.

Ұшуды, қонуды және жеке құрамды дайындаудың күрделі элементтерінің бірі болып табылатын авиациялық қару-жарақты жауынгерлік қолдануды қоса есептегенде, өзге де операцияларды қамтамасыз етуге мүмкіндік береді. Қорғаныс дулығасының бір ғана нүктесіне қатты жалғанған түнгі көру көзілдіріктері  басқару органдарын және кабинадан тыс әуе кеңістігін перифериялық тұрғыда машинамен басқаруға мүмкіндік береді. Нәтижесінде тікұшақтарды түнде қолдану мүмкіндігін анағұрлым кеңейтеді», - деп Ми-17 тікұшағы экипажының командирі  майор Әлібек Оршабеков атап өтті. Енді қазақстандық армиялық авиация жеке құрамды, қару-жарақ пен әскери техниканы кез келген стратегиялық бағытқа, кез келген ауа райы жағдайы мен тәулікте алмастыру жөнінде тапсырмаларды сенімді орындай алады. Ұшулар жауынгерлік даярлық жоспарына сәйкес 19132 әскери бөлімінің әуеайлағында өткізіліп жатқанын айта кетейік.


 

Барлық жаңалықтар