Ұлттық банк аффинаждалған алтын құймасын насихаттау бойынша бағдарлама әзірлеуді жоспарлауда

«Ұлттық банк халық үшін аффинаждалған алтын құймаларын дәоіптеу  бойынша  бағдарлама әзірлеуді жоспарлауда. Біз халыққа түсінікті әрі қарапйым құралды ұсынбақпыз.  Ол шетелдік валютаны алмастыратын алтын құймалары болуы мүмкін», - деді ведомство басшысы.

Оның айтуынша, Ұлттық банк өзге банктермен қоса аталмыш нарықтың өтімділігін ұсынады.

 «Ұлттық банк аз уақыттың ішінде ақша және валюта нарықтарындағы жағдайды тұрақтандырды. Бұған біріншіден, шикізат нарығындағы әлемдік коньюнктураның жақсаруы себеп болып отыр. Екіншіден, ұлттық банк пен үкіметтің дағдарысқа қарсы бірлесіп атқарған жедел шаралары әсер етті. Ұлттық банктің алтын-валюта қоры тамыз айының соңында 30,7 млрд долларды құрады. Осы жылдың басынан бері қор 10 пайызға өсті (2,8 млрд доллар). Ұлттық қордың валюталық активтері 64,9 млрд доллар болып отыр. Оның деңгейі тұрақты болып қалуда. Бұл трансферттер ұлттық қордан жоспарлы түрде алынып отырғанына қарамастан, ел резервтерінің жалпы сомасы 95,6 млрд долларға жетті», - дейді Данияр Ақышев.

Индира Кауметова