Алматыда заманауи ақпараттық технология мен АТ-білім беру мәселесі талқыланады
«Технолгия дамуының жоғарғы әлеуеті жағдайында АТ- білім беру бірінші кезекте жылдам өзгеретін нарықтық сұранысқа қарай ыңғайлануы керек. ТМД мемлекеттерінің басым көпшілігінде білікті АТ-мамандарын дайындауға қатысты мәселелердің қордаланып қалғаны белгілі. Атап айтар болсақ қарапайым кәсіби талап пен білім беру бағдарламасынан бастап, келешек мамандардың тәжірибе алуына дейінгі барлық жағдайларда қиындықтар бар. Колледж бен ЖОО түлектерінің дайындығына қатысты жұмыс берушілердің берген бағасы өте төмен. Алайда сапа сұранысы нарық тарапынан талап етілгенімен, оған толықтай бейімделмеген», - делінген хабарламада.
Ақпараттық- коммуникациялық технология кәсіпкерліктері колледж бен ЖОО түлектерін өз қаражаттарына қайта оқытуға, біліктіліктерін арттыру шараларын қарастыруға мүдделі. Бұл дегеніңіз дайындалып шыққан мамандардың бәсекеге қабілетсіздігін, тиісінше сұранысты қанағаттандыра алмайтынын көрсетеді.
АТ-мамандарын дайындау міндеттемесі білім беру жүйесі мен нарықтағы сұраныстың өзара бірігіп жұмыс істегенінде ғана тиімді түрде шешілмек. Оған өз кезегінде мемлекеттік биліктің де араласуы керек. Сол себепті «Зерде» Ұлттық ақпараттық-коммуникациялық холдингі» АҚ ҚР Көлік және коммуникация министрлігімен біріге отырып «Заманауи ақпаратты технология мен АТ-лық білім беру» I Ұлттық конференциясын өткізуде.
Хабарламада айтылғандай, аталмыш конференцияға Ресей, Беларусь, Әзірбайжан, Корея, Малайзия мен Украинаның бизнес қауымдастығы мен білім беру саласы мамандары үлкен қызығушылық танытуда
Конференцияның басты тақырыбы: АТ-білім берудегі ұлттық жүйесінің басым бағыттарын анықтау, Оңтүстік Кореядағы, Малайзия, Ресей мен Беларусьтегі АТ-мамандарын дайындаудың халықаралық талаптары, ЖОО мен колледждерде АТ-мамандарын дайындау бағдарламасын жетілдіру болмақ.
