Д. Ақышев: Теңгемен өмір сүру мен ойлауға ұмтылыс ақпараттық бағыт болуы тиіс
9 Қыркүйек, 2016 11:34
Теңгемен өмір сүру мен ойлауға ұмтылыс ақпараттық идеялық бағыттың бірі болуы тиіс және оны біз Президент Әкімшілігі және Үкіметпен іске асыруға дайынбыз. Бұл туралы Ақордада Мемлекет басшысының қатысуымен өтіп жатқан Үкіметтің кеңейтілген отырысында ҚР Ұлттық Банк төрағасы Данияр Ақышевшев мәлім етті.
«Сананы долларсыздандыру бойынша белгілі бір қадамдар қабылданды. Мысалы, теңгеден басқа, басқа валютамен бағаларды көрсетуге тыйым салынды»,-деді Д. Ақышев.
ҚР Ұлттық банк басшысының айтуы бойынша, мемлекеттік органдардың сөз сөйлеуі мен ақпаратында шетел валютасының баламаларын қолдануға тыйым салу керек.
«Сананы долларсыздандыру мысалы – Олимпиада жеңімпаздарына сыйақыны берген кездері шетелдік валютамен сомманы көрсету, алайда оны теңгемен жазуға болар еді. Теңгемен өмір сүру мен ойлауға ұмтылыс ақпараттық идеялық бағыттың бірі болуы тиіс және оны біз Президент Әкімшілігі және Үкіметпен іске асыруға дайынбыз»,-деді Д. Ақышев.
Ботагөз Айтжанова
